رمضان ..حشا والله شهر البلع

اووووف مليت اليوم 9 من الشهر .. وكل يوم اكل انواع واشكال



طقت كبدي من ذا الاكل

يأذن العـ9ـر وننز المطبخ نشتغل ونكرف .. والرجال جالسين مستتين اعمارهم يقرون قرآن

واحنا نكافح ونحارب مع ذا المطابخ .. وياليت شي كاتب ربي علينا

انه لازم نطبخ في رمضان كان قلت حرام وعيب

بس مايسير كل شوي ناكل وانواع الاكل .. ولازم السفر مليانة .. والمشكلة ماياكلون كل شي لازم يبقى في السفرة

ونتحسف وين نرمية ؟؟ لو انهم يرضون نحطه على السحور كان ممكن

لكن السحور لازم رز ولحم او دجاج .. مايرضون الا برز ولحم .. ياناس يا رجال و ش تحسوووون فيه :(



جدولي في رمضان 9ـاير ممل .. ا9ـحى من النوم الساعة 3 الظهر .. انزل المطبخ واتطمن ان كل مقادير الطبخة التعيسة موجودة

وا9ـلي العـ9ـر وانزل اطبخ وما اخرج الى بعد 3 ساعات من الكفاح ..

المشكلة ان شغالتنا سافرت ومابقى غير شغالة وحدة ... بيتنا كبير وكل العيلة يوميا يجون الرجال وحريمهم وعيالهم ..

العيال مزعجين .. اكرهـ البزارين .. خا9ـة العيال اووووووووووووف



تخيلوا اليوم اثنين منهم تضاربوا قام واحد منهم راح المطبخ وشال سكينه يبي يذح الثاني ^^ بالله هذي سوات عيال ابتدائي

الا سوات عيال شياطين موب طبيعين ..



المهم نكمل لكم جدولي التعيس :(

واخرج من المطبخ على اذان المغرب يادوب اتحمم واروح افطرتمر ولبن والحلا .. ونـ9ـلي

وارجع ثااااني على المطبخ نغرف الاكل المالح .. ونبلع بلع :X

نشرب الشاي الاخضر ونستعد للتراويح

وبعدها نتابع مسلسلات :)



مسلسل زمن العار



مسلسل ام البنات



مسلسل الحب الكبير



مسلسل باب الحارة



الى الساعة 3 .. ونروح نجهز السحور .. او نطبخ السحور بمعنى ا9ـح :)

وناكل ونشبع ونبلع ونشرب الشاي الاخضر ..

ونـ9ـلي الفجر ونقرأ ورد من القرآن ..



والى النووووووووووم ..